थे ही तो हो आगला टेशन
जमाना रे साथ करो खूब फैशन
पण याद राखो बुजुर्गा री बातां
बे मुस्किल घडी री रातां
जोबन रो मद भी चढ़सी
कुटुंब कबीलो भी बढसी
प्रणय कि भूलभुलइया में
प्रियतमा कि आकृष्ट सय्या में
भूल मत जाज्यो ज्ञान री सीख
मत छोड़ज्यो पुरखां का पगां री लीक
थे ही घर, गांव, परिवार ,राष्ट्र री अनमोल थाती हो
जीवन रूपी दीया री, बिन जळी बाती हो||
लेखक : गजेन्द्र सिंह शेखावत
tag - Maradi kavita, Marwari Poem, Marwari Poet, rajasthani Poeam, Rajasthani kavita, Rajasthani child Poem, marwadi Culture , Rajasthani Culture ,Rajasthani kahawate, Rajasthani blog, Rajasthani riti- tivaj, rajpuri kavita, rajputi Poem
0 comments:
Post a Comment