rajasthani winter poem -जाड़ो (ठंडा मौसम)

ठरगा भायला जाड़ा म
सूरज बड़गो खाडा म

पिसा लागै दवायां का
और दशमूल का काड़ा में
ठरगा भायला जाड़ा म

दुबला को बैरी है यो
क्यूँ कोण कर ठाडा म
ठरगा भायला जाड़ा म

टीबा पर चाले आथूणी
म्हे बच रिया हाँ आडा म
ठरगा भायला जाडा म

कई जिनावर बिल म बडग्या
कई छापलरया ढाँढाँ म
ठरगा भायला जाडा म

बावरिया रोही म कुरलावै
लुहार सीसाव गाडा म
ठरगा भायला जाडा म

लेखक : गजेन्द्र सिंह शेखावत  Gyan darpan

winter poem, ratan singh shekhawat bhagatpura,gyan darpan.com,marwadi kavita,rasthani kavita,rajsthani poem,marwadi poem,sardi ki kavita

Tweet